1. م .إياد الدروبش يعلق,

   قي مسؤول كبير خبرني إنو رح يجيبوا البرامكة لنهر عيشة وهيك الأمور بترجع متل ماكانت بالعكس بتصير دمشق أقرب للكسوة أكتر طولو بالكن ياشباب !!!!!!!

   آل المنحوس منحوس أحسن من عشرة عالشجرة

2. سنفور معارض يعلق,

   يعني باول كم يوم كان فيها لبكة كتير وبهدلة … بس هلئ الوضع مستقر والباصات مؤمنة .. يمكن نحنا كشباب ممكن نتحمل الوئفة والتدفيش بالباص ..بس الصبايا والنسوان !! … يعني شي محزن والله وعيب … ولازم يلتئى حل للموضوع غير هيك ..كانو رجعنا لايام الهوب هوب

3. ميرفت يعلق,

   انا سمعت انه كراجاتنا رح تنتقل لدرعا البلد عما قريب
   والله قمه البهدله نقلت هالكراجات
   يعني اذا بدي روح كل يوم على الجامعه لازم اركب 3 باصات يعني لازم نطلع من البيت نحنا واذان الفجر

4. سعيد بعد العيد يعلق,

   شو مشان صار عندي خصم يومين بسبب الكراجات

5. عادل .م يعلق,

   أما بالنسبة لتعليقي على الموضوع فكما قال أيمن زيدان عوجا وياما حنشوف

6. م إيمان حسين الأصفر يعلق,

   والله ما عد في تفاؤل كنا نقول منرجع من بلد الغربة والوضع يكون أحسن بس هيهات الوضع من سيء إلى أسوأوالله الشغلة بدها دراسة أكتر من هيك والبرامكة هي أحسن كراج إنا بس العين بصيرة واليد قصيرة ياحسرتي على هالوضع

7. عادل .م يعلق,

   هذا ما نشرته صحيفة تشرين للموضوع ذاته حبيت انقله لكم
   إرهاق مادي وفوضى مرورية بكراج نهر عيشة الجديد

   دمشق
   صحيفة تشرين
   محليات
   الاثنين 15 شباط 2010
   ياسر النعسان
   عدا عن عدم ارتياح المواطنين من قرار نقل كراج سرفيس بعض مناطق ريف دمشق كسرفيس صحنايا والكسوة والحجر الأسود…إلخ

   من البرامكة إلى نهر عيشة نتيجة زيادة تعرفة الركوب عليهم إذ بدلاً من دفع عشر ليرات إلى البرامكة أصبح المواطن يدفع 15 ليرة للوصول إلى البرامكة فهو يعاني أيضاً من الفوضى المرورية التي تحيط بالكراج الجديد حيث أن الخطر يداهمه أينما التفت أثناء تنقله في الكراج أو انتقاله من الكراج إلى الباصات التي ستقله إلى البرامكة أو حتى إذا أراد أن يقطع الشارع إلى الجهة الأخرى إضافة للإرهاق والضغط المادي إذ أصبح على المواطن ان يدفع ما يقارب الألف ليرة سورية أجور نقل إلى البرامكة وبحدود الألفي ليرة إذا أراد أن ينتقل من البرامكة لجهة أخرى وبالتالي فإذا كان لديه طالبان في الجامعة فعليه أن يدفع ما يقارب ستة آلاف ليرة شهرياً.

   ‏

   وللتخفيف من الآثار السلبية للقرار على المواطنين نقترح نقل هذا الكراج إلى أول منطقة الفحامة ليكون كراج مرور لا كراج وقوف كما كان الحال في كراج البرامكة. ‏

   أما أصحاب السرافيس فإنهم لم يتضرروا مطلقاً من هذا القرار إذ أن نسبة الركاب لم تتغير لديهم إضافة إلى أن الكراج الجديد أفضل لهم حسب قولهم لأنه يعفيهم من غرامة إعاقة السير التي تزيد عن الألف ليرة سورية التي كانوا يتعرضون لها خلال وصولهم إلى البرامكة وتحميلهم للركاب.

   ‏

   ‏

   ‏

8. zozo يعلق,

   بالفعل شنططة انا طالبة وجربتها وياريت يلاقو حل بسرعة

9. عبود يعلق,

   دائما مستوطيين حيط الكساونة
   بكل شيء الاعوج الكراجات الـ …….
   يا ترى ليش ؟؟؟؟؟؟؟؟؟؟؟؟؟؟
   شو ما في عنا مسؤولين تطالب لنا بحقوقنا على الاقل؟؟؟؟؟؟؟؟؟؟؟

10. كنان الصياد / السعودية يعلق,

    الله يكون بعون طالبات الجامعات , والحل إنو نقوم بحملة من خلال موقعنا لتسيير باصات من الكسوة مباشرتاً إلى الجامعات , وذلك للتسهيل على طالبات بلدنا , لأنو بظن مافي مشكلة عند الشباب بنقل الكراجات أم المشكلة الاكبر حتكون أكيد عند الصبايا . فياريت إقتراحي يلقى أذان صاغية

11. دعاء يعلق,

    لا حدا يستنى شي جديد
    انا بالنسبة الي عقدة حياتي المواصلات من تدفيش وروايح وامراض وهففففففففف
    وحاليا قدامي احد الحلول التالية:
    1- طالع سكن بالمدينة الجامعية او استأجر بقلب الشام لأن ساعتين وربع بالمواصلات فقط يوميا
    “اهلي رفضوا طبعا”
    2- وقف تسجيلي لهالسنة لان عندي مشروعين وهيك بخلص من التنين
    “اهلي رفضوا بالتأكيد
    3- الحل الاخير والاسلم اني اترك الكلية وروح طئها جوازة
    خخخخخخخخخخخخخخ

12. عبود الكسواني يعلق,

    والله مافي حدا سائل شو يعني كنا نطلع الساعة 7 مشان نوصل 8
    هلق منطلع 6 مشان نوصل 9

13. زهير النجار يعلق,

    بعين الله الله كريم تتغير الاوضاع دائما اول 70 سنه صعبين بعدين بتهون طولو بالكم

14. زهير النجار يعلق,

    انا برأيي انو يلغو الروحه عالشام يجيبو الجامعه لعنا عالكسوة ويلي عندو شغل بالشام عمرو ما يشتغل يغير شغلو خليهن هالمسؤولين يريحو راسهم من شغله

15. علي شحادة -- الكويت يعلق,

    يا اخي المسؤولين عنا يطلعو عالدول التانية بنظام المواصلات

    يلغو السرافيس ويخلو الباصات تبع النقل الداخلي تشتغل بدال السرافيس ويخففو التكاسي لسا كل واحد صار عندو سيارة

    دهنها اصفر وعملها تاكسي كككككككككككككك

    تحياتي ..

16. أيمان يعلق,

    الله يكون بالعون خلينا أخر العالم بحياتنا ما من نتطور انا قررت أبطل من الجامعة مع أني سنة ثانية أدب انكليزي قلت بوفرهن لكم سنة كل يوم خمسة وعشرين ياسلام؟؟؟؟؟؟؟؟؟؟؟؟؟؟؟؟؟؟؟
    و

17. ابراهيم الخبر يعلق,

    مماشاءالله والله و المسؤلين عم يفكرو اذا سرافيس كسوة على نهر عيشة اصبح ذكية وين على الحجر الاسود ههههههههههههههه الله يعين طلاب الجامعة والناس يلي بشتغلو بس ماشي الحال كسوة نهر عيشة احسن من من كسوة ست زينب او شيخ محدين هههههههههههههههههههههههههههههه هية كم شهر والمترو بكون جاهزي وهيك بتنحل الازمة المواصلات وازمة دارفور؟

أضف تعليق