1. أبو الميز يعلق,

   نبارك هذا الاجتماع بتعليقنا علنا ان نكون قد قدمنا شيء لنادي بلدنا
   المهم نتمنى ان يتم تعشيب الملعب كما نتمنى ان نرا اسم نادي الكسوة يرفر في سماء تكتل اندية الدرجه الاولى
   بالتوفيق ان شاء الله
   مع الشكر لجميع العاملين من اجل الكسوة

2. سعيد بعد العيد يعلق,

   اخبار جميلة الله يوفقكم كمان وكمان

3. زك زك الفهمان يعلق,

   الله يبارك بعمركم
   ونشوف النادي في القمه

4. لاعب فطبول قديم يعلق,

   ما بدنا يا ناس بس اجتماعات بدنا قول وفعل وان شاء الله بتكونو قد الفعل وبتعشبو الملعب

5. اداري قديم جدا" يعلق,

   بدنا همه كمان وكمان
   الكسوة مثلها مثل اي بلد بس ما عندنا امكانيات ليش شو السبب
   انا بعرف انه مثلا” نادي حرستا كل سنة بيجيه اكثر من 3 ملاين ليرة من منشأتها واستثماراتها وما بتستنى التبرعات يعني بتغطي امورها من خدمات وتجهيزات ودوري ووووووو
   الا الكسوة لازم كل سنة تعمل 100 اجتماع للتبرعات وياريت بتلمو مبلغ عليه القيمة وما حدا بيعرف ليش الناس ما بتدفع
   المهم بنرجع لموضوعنا
   يعني لازم يكون عند النادي منشأت واستثمارات تغطي مطاليبه
   اما موضوع التبرعات صدقوني انا حضرت مرة اجتماع بنادي دوما ووقتها كنت معزوم عند رفيقي بدوما وقلي قوم بس لنوصل مشوار صغير ورحت معه وطلع المشوار على نادي دوما الرياضي ودخلنا ومافي مكان تحط رجلك فيه من كثر الناس
   المهم فات دقيقتين واعتذر من المحاسب عن عدم الحضور واعطاه مبلغ عشرة الاف ليرة تبرع وصدقوني ضربت عيوني على الصندوق اللي حاطين فيه المصاري يعني تقريبا مثل السحارة الجماليه( الكبيرة) والمصاري فيها واصله لاعلى الصندوق
   يعني انا بوقتها حسبت تكعيب مدري تربيع والله فتت بالحيط يعني قدرت المبالغ اللي عم تنزل اكثر من خمس ملاين ليرة
   واثنين عم يسجلو واثنين عم ياخذوا مصاري من الناس
   يعني يا ناس بدها شوية دعم ترا النادي مو نادي حسين البياضي ولا نادي صبحي شهاب مع احترامي وتقديري للاستاذ الاخ حسين البياضي وللاخ صبحي شهاب
   النادي اسمه نادي الكسوة الرياضي
   فالنادي نادي البلد واللي بتهمه البلد يتبرع للبلد

6. مروان يعلق,

   الله يعطيكم العافيه

7. ما عندكم كارتيه يعلق,

   بدنا نلعب كاراتيه وما عندنا كاراتيه
   يعني ليش في عدة اماكن عم تعمل اماكن وتشد الاولاد الصغار
   يعني بالحارة الشرقيه في مركز للكاراتيه ومدرب من الشام ليش النادي سامح لهم او ليش النادي ما هو بيشرف على الامور هي مو بس بدنا كرة قدم !!!!!!!!!!!

8. ابن النادي يعلق,

   الله يوفقكم يا بناة الكسوة شدو الهمه يا رجال ترا النادي امانه في رقبتكم

9. فهمان البركة يعلق,

   الله يعطيكم العافيه السنة سنتكم

10. احياء شعبية يعلق,

    ما منشوف غير مؤتمرات وبدون ما يصير شيء بدنا شيء علىارض الواقع

11. بياع بكولبه يعلق,

    عملولنا شي كم كولبة بالملعب واجرونا ياهم وهيك بنكون فدنا النادي شوي

12. برازق اربع طوابق يعلق,

    انا بتذكر واحد كان يبيع بالملعب يقول برازق اربع طوابق ويقول كمان علكة سهام ابراهيم
    كان بهديك الايام يعني من شي 10 سنين واكثر يطالع شي 300 ليرة بكل مباراة الله يرزقه
    بقا ليش ما بنعمل على طريقته مو القصد نبيع برازق اربع طوابق
    بس بكل مباراة بتصير بنحط كولبتين بالملعب وبنبيع فيهم والوارد لصالح النادي ؟؟؟؟؟؟؟ شو رايكم

13. سي دي الكسوة يعلق,

    لك درينا انه في سي دي عن مدينة الكسوة وريعه لصالح نادي الكسوة بس 1982 اختفى السي دي مع انني عندي معلومات انه اللجنة الفنيه قامت بنسخه على حسابهم وكلف مبلغ وقدره وموقع الكسوة نت هو اللي عمله المونتاج
    وعلى اساس انه السي دي رح ينباع بملبغ منيح بس ما عاد بين السي دي
    والله غريب يا ناس
    يعني يا ادارة النادي اجاكم مشروع لى كف من ذهب بس عليكم بيعه واللي حكالي( طبعا مصادر موثوقه لانه صاحب الفكرة) وما رح احط اسمه لان اسمه مو بحاة اشهار فهو ابن بلد وبحب البلد انه متوقع يجي للنادي من ورا السي دي هاد اقل شيء مائتين الفرليرة حيث ان السي دي رح ينباع بمبلغ 200 ليرة للنسخه علىالاقل وهذا المبلغ ما بيكسر ولا مواطن بالكسوة
    يعني ليش لهلئ محتكرينة ما حدا بيعرف ؟؟؟؟؟؟؟؟
    بس على فكرة سمعت كمان انه صاحب الفكرة رح يعرض السي دي بوقت قريب على الانترنت بقا لحقوا حالكم ولا تروحوا الفكرة عليكم وحاجة مماطلة
    اما باقي الامور بنقول الله يعينكم ويساعدكم على امور النادي من اصغر لاعب لاكبر اداري
    وبنشكر هاد الموقع اللي سمح لنا الكلام عن نادينا بصراحة تامة

    ط

14. عبد الرؤوف بدرية ( أبو طارق ) يعلق,

    أتمنى من نادينا الكريم التكرم علينا بتنشيط باقي الألعاب في الكسوة وطبعا هادا الشي من بعد إذن يلي ما بدهن هالشي يصير
    وطبعا ليش ماحدا بيعرف غير المذكورين…..!!!!!!!!!!!… أنا سعيد جدا جدا بالموقع الخاص فينا كي نتكلم وبصراحة عن
    أحوال مدينتنا التي هي بنظري أجمل مدينة في القطر … وشكرا…

15. روزانا يعلق,

    يارب تكون الاجتماعات على فائدة وماتكون س كلام بكلام
    لان بجد كسوتنا تستاهل اكتر من هيك والله
    ويالله همتكم عالية

16. جعيص الهكت يعلق,

    وسمعتونا بالحلق خرمنا اذاننا
    وين السيدي يا ادارة نادي الكسوة
    ترى انا جاهز لادفع المبلغ المطلوب بس بيعونا ياه ولا قصته كذبه ومالها اساس بس دعاية مو اكثر
    يعني يا في سي دي يا ما في سي دي
    الله ياخد بيدكم ونشوفكم بالدرجه الاولى

17. ابو سالم يعلق,

    بدنا همه يا نادينا
    بنشكر المسؤولن على النادي على عملهم المتواصل
    وبذكركم هي امانه برقبتكم

أضف تعليق